DAVAO CITY – Balik na sa normal ang operasyon sa Hall of Justice sa dakbayan sa Dabaw human nga kini ang temporaryong gipaserhan niadtong milabay nga semana human nag-positibo sa covid 19 ang pipila ka mga empleyado niini.
Apan limitado lamang ang mga tawo nga gitugutan nga makahimo sa pag-transact dinhi matag adlaw subay na usab sa gipatumang mas hugot nga health protocols sa dakbayan sa Dabaw.
Isip pagtuman sa executive order No. 57 sa Davao City LGU gipatuman ang skeleton arrangement ang mga eplyado niini diin 50% lamang sa mga trabahante sa korte, Public Attoyneys office, Board of claims and pardon ug sa City and Regional prosecution office ang gitugatan nga motrabaho sulod sa Hall of Justice.
Samtang ginapaagi usab sa online ang pag-file ug affidavit, counter affidavit, motion for reconsideration ug uban pang biddings.
Limitado usab ang mga pasudlon nga mokuha ug fiscal clearance ug padayon usab ang electeronic inquest proceedings ug videoconferencing sa mga court hearings.
