DAVAO CITY – Gilauman nga hingpit nang mag-operate ang bag-ong gitukod nga crematorium sa lokal nga kagamhanan sa dabayan sa Dabaw nga naa gipahimutang sa Wireless public cemetery.
Gikanayon ni City Engineers office head, Engr Joseph Filezarta sa ika-duhang semana sa bulan sa desyembre niining tuiga gilaumang magamit na ang nahisgutang pasilidad.
Kahinduman nga gisugdan ang konstruksiyon niini niadtong bulan sa Setyembre niining tuiga diin sa karon naa na sumala pa sa 80% ang completion niini.
Samtang, moabot usab sa kapin 14 million pesos ang gitagana nga gahin alang sa nahisgutang crematorium nga butangan ug duha ka mga crematory machine, apan usa pa lamang una sumala pa ang ibutang ug idugang lamang ang lain pang usa kung gikinahanglan.
