DAVAO CITY – Mi-ani ug lain-laing reaksiyon ang subling pagpatuman sa paggamit sa Food and Medicine (FM) pass dinhi sa dakbayan sa Dabaw.
Adunay pipila ang nalipay sanglit ma-limitahan naman ang lakaw sa mga tawo ilabi na niadtong mga igo lamang nagsuroy-suroy ug walay importante nga katuyuan.
Apan, nagka-problema ang uban gumikan kay nawala na ang ilang gihuptang FM pass nga seguradong malisdan na sila sa subling pagkuha niini sa barangay gumikan kay dugay na kining gi-hunong.
Kahinumduman nga human gi-left ni Mayor Inday Sara ang paggamit ug FM pass sa syudad, gipahimangnuan niini ang publiko nga taguan ang ilang FM pass gumikan kay adunay posibilidad nga subli kining ipatuman kung gikinahanglan sa umaabot nga panahon, ug mao na ni karon.
Subay sa gipagawas nga Executive order No. 62 ni Mayor Inday Sara, sugod sa Nov 17, 2020 pangitaan na ug FM pass ang tanang tawo nga mang-gawas sa tagsa-tagsa ka mga pinoy-anan.
Sama san a-andam ang mga FM pass nga adunay last digit numbers 1, 3, 5, 7 ug 9 ang mamahimo lamang makagawas sa mga adlaw nga LUnes, Miyerkules ug Biyernes.
Samtang ang mga naay last digit numbers nga 0, 2, 4, 6, ug 8 ang mamahimo lamang makagawas sa mga adlaw nga Martesm Hwebes ug Sabado.
Mamahimo lamang gamiton ang FM pass gikan sa alas 5 sa buntag hangtud sa alas 7 sa gabii, ug walay FM pass nga gamiton sa adlaw nga domingo.
