DAVAO CITY – Gikatakdang hinabion sa lokal nga kagamhanan sa syudad ang Southern Philippines Medical Center (SPMC) aron mopahimutang ug mga personahe nga motutok sa mental wellness sa mga Coronavirus Disease (COVID-19) patients nga naa sulod sa mga Temporary Treatment and Monitoring Facility (TTMF).
Sumala kang Davao City Mayor Sara Duterte, mamahimong mopahimutang ang SPMC ug personahe gikan sa Institute of Psychiatry and Behavioral Medicine aron mamonitor ang mental wellness sa mga pasyente samtang naa sa isolation facility.
Nasayran nga kadaghanan sa mga COVID-19 positive patient ang nakasinati ug depression ug dili tiaw nga kabalaka sa ilang panglawas ug sa ilang pamilya nga posibling matakdan usab nila.
Tungod niini, angayan sumala pa nga mahatagan ug pagtagad usab ang nahisgutang sitwasyon aton matabangan ang mga pasyente nga malikayan ang sobra na paghuna-huna ug mapadali ang ilang pagmaayo.
