DAVAO CITY – Moabot na ug dul-an usaka libo na ka mga healthcare workers sa Davao region ang nagpositibo sa Coronavirus Disease (COVID-19).
Sumala kang Dr. Cleo Fe Tabada, hepe sa Regional Epidemiology and Surveillance Unit sa Department of Health Davao, subay sa regional Covid-19 situationer, naa sa 891 gikan sa 3,590 healthcare workers sa rehiyon ang nagpositibo sa virus.
Sa nahisgutang ihap, lima na ang gikatalang namatay.
Pinaka-daghan s amga healthcare worker nga apektado sa virus ang mga nurse nga moabot na sa 222 ang gikatalang kaso ug duha ang namatay.
Na-una nang gi-angkon sa opisyal nga “overburdened” na ang mga nahisgutan sa pagresponde sa padaypnjg pagtaas sa ihap sa mga kaso sa Covid-19.
Daghan na sumala pa ang nag-apply ug taas nga leave samtang ang uban usab ang nag-resign na sa trabaho gumikan sa kahadlok alang sa ilang kaugalignon ug pamilya nga natakdan sa virus.
