DAVAO CITY – Nagpadayon pa gihapon karon nga nakatala ug taas nga kaso sa Covid-19 ang pipila ka mga Barangay nga giilang High risk human nga nagkadaghan ang natakdan sa kagaw.
Sa ulahing Barangay Classification nga gipagula sa lokal nga kagamhanan, kalakip niini ang Barangay 21-C ug Brgy. 27-C diin anaa sumala pa sa 18 ka mga pinuy-an sa lugar ang gipailalom karon sa lockdown.
Una ng nasayran kang Kagawad Robert Mendoza, sa Brgy. 27-C nga misaka ang kaso sa Covid-19 sa ilang lugar gumikan kay mas gipahugtan nila ang ilang gipahigayon nga contact tracing.
Sagad sab sumala pa sa mga residente sa lugar ang gipailalom sa swab test sa kompanya nga ilang gitrabahoan sanglit nahimutang sila sa high risk barangay hinungdan nga nasubay nga nagpositibo ang pipila niini sa kagaw.
Gipasalig sab nahisgutan nga padayon ang ilang pagningkamut sa ilang barangay aron nga mapahugtan pa ang pagpatuman sa Health protocols.
