DAVAO CITY – Gikatakda na nga i-deploy ang kapin 100 ka mga contact tracers ngadto sa mga nagkadaiyang barangay sa siyudad kini mapadali ang pagpangita sa mga indibidwal nga gituohang natakdan o nakahimamat ang usa ka tawo nga positibo sa Covid-19.
Una ng gipailalom sa orientation ang ulahing batch sa mga gi-hire nga contact tracers kini aron masayod ang mga nahisgutan kung unsa ang angayan nila nga himuon.
Una ng nasayran nga anaa na unta sa 175 ka mga contact tracers apan duruha niini ang mi-back out human nga wala na misipot samtang usa ang wala gitugtan sa iyang ginikanan human nga nasayran ang klase sa trabaho.
Sumala pa kang Julinda Acosta, technical division chief sa City Health Office (CHO), online orientation ang ilang gihimo karon aron nga mapadali ang training sa mga nahisgutan ilabi na nga limitado lamang sa tulo ka mga indibidwal ang tugutan sa face to face interview.
Nasayran nga tulo ka adlaw human ang training, i-deploy gilayon ang mga na-hire nga contact tracers ilabi na karon nga padayon ang pagsaka sa kaso sa Covid-19.
