DAVAO CITY – Mukabat sa 1.2 million ka mga kabus nga pamilya sa Davao region ang target nga ma-enroll sa Philippine Identification System (Philsys) kini ang gibutyag sa opisyal sa Philippine Statistics Authority in Region 11 (PSA-11).
Sumala pa kang PSA-11 officer-in-charge Pepito Amoyen nga base sa nauna nila pagpanubay, anaa sa 663,318 households ang natala sa ahensiya kini base sa Listahanan 3 saDepartment of Social Welfare and Development (DSWD).
Una ng mipahigayon ang PSA ug pre-registration activity kaniadtong Oktubre 12 diin ilang gikuha ang 10 demographic information sa mga partisipante.
Samtang sa Nobyembre 25, magpahigayon sab sila ug actual registration diin ang mga validated information gikan sa pre-registration ang ipailalom sa proseso.
Samtang aron nga matuman ang coronavirus disease health protocols, gitataw ni Amoyen nga i-akomodar lamang sa PSA-11 personnel ang mga partisipante sa registration centers sa nagkadaiyang probinsiya diin mamahimo sab sila nga makakuha sa ilang PhilSys registration number.
Samtang nakompleto na matud pa sa PSA-11 agency ang at least 12 percent out gikan sa target number ug naglaom sila nga matapos kini sa 2022 o sa dili pa mokanaug sa katungdanan si Pangulong Rodrigo Duterte.
