DAVAO CITY – Nagpadayon karon ang Department of the Interior and Local Government (DILG) sa pagdawat ug mga aplikante alang sa mga buot mamahimong contact tracers.
Una ng gibutyag ni DILG regional director Alex Roldan nga adunay mga nangapply sa ilang buhatan apan dili sumala pa kwalipikado hinungdan nga padayon ang ilang panawagan sa mga adunay katakos nga mamahimong contact tracer nga mosumite lamang sa ilang aplikasyon.
Nasayran nga ubay-ubay na ka mga contact tracers ang na-deploy sa uban nga lugar sa Davao region gawas lamang sa siyudad nga wala pa nila nakab-ot ang target nga anaa sa 700 hangtud 800.
Samtang sa bahin sumala pa sa pagpatuman ug travel order, gisalig na lamang karon sa DILG ngadto Barangay level ang maong lakang sanglit mas epektibo sumala pa kini nga mapatuman.
Kahinumduman nga gitugot na karon sa IATF ang pagtabok sa mga tawo nga gikan sa lugar diin gipatuman ang General Community Quarantine (GCQ) paingon sa dapit nga ilalom sa Modified General Community Quarantine (MGCQ).
