DAVAO CITY – Mikabat sa 28 ka mga peneriso ug personahe sa Toril police station ang nagpositibo sa covid-19 tests hinungdan nga misaka na karon sa 58 ang mga natakdan.
Sumala pa kang Major Michael Uyanguren, Toril police station chief, ang 28 nga nadugang ang kabahin sa 38 ka mga indibidwal diin ang ilang swab samples ang gipailalom sa test pinaagi sa reverse transcription-polymerase chain reaction (RT-PCR) sa milabay nga semana.
Nasayran sa opisyal nga kalakip sa mga bag-ong nagpositibo ang 11 ka mga police officers, lima ka mga police auxiliary members ug 12 ka mga peneriso.
Gikumpirma sab ni Uyanguren nga nag-positibo sab siya sa virus kini base sa RT-PCR results nga gipagula sa milabay nga dominggo.
Gani kabahin sumala pa ang opisyal sa mga naka-quarantine sulod sa police station, kauban ang 30 ka mga detainees nga una ng nagpositibo sa virus kini pinaagi sa RT-PCR testing nga gipahigayon sa milabay nga Oktubre 1.
Hinuon tanan sumala pa sila ang susama nga asymptomatic o walay gibati nga sintomas sa COVID-19 sama sa kalintura, ubos, fatigue, malisdan sa pagginhawa ug daghanan pa. Una ng gibutyag ni Lenny Joy Rivera, Department of Health (DOH) – Davao assistant regional director, nga mipahigayon na karon ang mga health authorities ug case investigation aron madetermina ang source sa virus nga nakatakod sa police station.
Una ng nagtuo si Uyanguren nga ang gisikop nga mga detainee ang nagpositibo sa virus ayha pa man kini nasikop sa otoridad.
Kahinumduman nga nasayran lamang sumala pa nila nga positibo sa virus ang mga peneriso ug pulis dihang gipailalom ang unang 30 ka mga detainees sa mandatory RT-PCR test nga kalakip sa mga rekisitos ayha ibalhin ang mga nahisgutan sa Davao City Jail ilalom sa hurisdiksiyon sa Bureau of Jail Management and Penology – Davao.
Gitataw sab ni Uyanguren nga mag-agad pa sila karon kung malugwayan ang ihap sa quarantine sa ilang buhatan gumikan sa mga bag-ong natala nga kaso.
