DAVAO CITY – Mihatag ang lokal nga kagamhanan ug food assistance sa Toril Police Station human nga gipailalom kini sa lockdown tungod sa 30 ka mga peneriso nga nagpositibo sa Covid-19.
Sumala pa kang Ma. Luisa Bermudo, head sa City Social Welfare and Development Office (CSWDO), ang nahisgutan nga mga food packs ang gihatud gilayon diin gilangkuban kini sa 4 grocery packs matag inmate isip food assistance nga kaigo sumala pa sa usa ka one incubation period.
Samtang gikanayon ni Dr. Josephine Villafuerte, hepe sa City Health Office (CHO), nga ang Toril District Health Office padayon nga nagamonitor sa health condition sa mga peneriso hangtud nga matapos ang lockdown.
Human ang 14 ka adlaw, subli nga ipailalom sa swab test ang mga nahisgutan ug kung mag-negatibo na, irekomenda na nga ibalhin ang mga nahisgutan sa Ma-a City Jail.
Mipahimutang sab ang CHO ug on-site mass isolation facility sulod sa Toril Police Station.
Ang nahisgutan sumala pa nga set-up ang mas ha-om kaysa sa pagdala sa mga nahisgutan sa lain pa nga isolation facility tungod sa taas nga risgo gumikan sa dugang nga security concerns sanglit ang mga nahisgutan kabahin sa persons deprived of liberty.
Gikanayong ang Contact tracing ipahigayon sab sa tanan nga mga pamilya ug bisita sa nga inmates nga nagpositibo sa virus.
Una ng nagpagula si Mayor Inday Sara Duterte ug Executive Order No. 37 s. 2020 sa milabay nga bulan sa Hunyo diin gimando niini ang pagpahigayon ug mandatory testing sa Persons Deprived of Liberty (PDL) ug Children in Conflict with Law (CICL) ayha kini isulod sa presohan ug ayha usab i-release ang mga CICL sa tanan nga mga government rehabilitation centers ug uban pa nga mga pasilidad.
