DAVAO CITY – Gikalipay pag-ayo sa Southern Philippines Medical Center (SPMC) ang pag-deploy sa 22 ka mga PNP nurses ilalom sa Police Regional Office (PRO) 11 aron nga motabang sa balay tambalanan ilabi na nga halos padayon ang pagsaka sa kaso sa mga pasyente nga natakdan sa Covid-19.
Una ng nasayran sa SPMC nga ang ilang ICU alang sa mga pasyente sa Covid-19 ang 100 porsyento na nga na-occupy samtang 93.27% na sab nga na-okupa ang ilang Covid-19 ward beds.
Gikanayong gibansay ang mga nahisgutan sa SPMC ayha sugdan ang ilang mga tahas ilabi na nga dugay na sab nga wala mismo sa hospital nagtrabaho ang mga nahisgutan ug masayran kung unsa ang ilang angayan nga himuon.
Sumala pa kang Police Major. Eudisan Gultiano, tigpamaba sa PRO-11, sagad sa nahisgutan nga mga PNP nurses ang gipang-deploy na sab kaniadtong nagsugod pa lamang ang outbreak sa covid-19.
