-- ADVERTISEMENT --
DAVAO CITY – Aprubado na ang pagdugang ug slots sa mga vendors ug mga masahista sa Roxas Night Market ning syudad.
Gikanayon ni Anghel Sumagaysay, head sa Public Safety and Security Command Center (PSSCC) naa na sa 35 porsiento ang gitugutan karon nga makapwesto sa roxas night market.
Gikanayon ni Sumagaysay, 41 na ka mga food vendors ang gitugutan nga makapaninda gikan sa 29; ang mga Masahista naa na sa 44 gikan sa 25; ug ang mga naninda ug accessories ug RTV ang naa na sa 46 gikan sa kanhi 33.
Gipaniguro usab ni Sumagaysay nga padayong ipatuman ang hugot nga security ug health measures sulod sa night market aron masiguro ang kaluwasan sa tanan.
Sa gihapon ipa-ilalom sa swab test ang mga vendors ug ang mga masahista una makapaninda.
-- ADVERTISEMENT --
