DAVAO CITY – Kabsan sa iyang kinabuhi ang usa ka construction worker human kini gidunggab sa iyang kainom pasado alas dies sa gabii sa Marilog ning dakbayan.
Una ng naila ang biktima nga si Cheron Amad Samza, 36 anyos, residente sa Sitio Logdeck, samtang ang suspek naila sab nga si Rio Bacquero Rato alias “Ar-Ar” 34 – anyos residente sa Lower Kibalang Marilog district ning dakbayan.
Sa inisyal nga imbestigasyon sa kapulisan, miadto sumala pa ang biktima sa balay sa suspek nga iyang higala ug nagtagay, apan sa tunga-tunga sa ilang inom, nahitabo sumala pa ang ilang panaglalis nga wala matino nga hinungdan nga miresulta ngadto sa pagpanunggab. Nakaangkon ang biktima ug samad sa iyang li-og nga maoy hinungdan sa kamatayon niini.
Human ang nahimong krimen, paspas sab nga misibat ang suspek sa wala matino nga direksiyon.
Padayon karon ang gihimong hot pursuit operation sa kapulisan batok sa miikyas nga suspek ug gi-andam na sab ang kaso nga iduso batok kaniya ug gisubay na sab karon sa otoridad ang motibo sa krimen.
