DAVAO CITY – Gi-endorso sa mga sakop sa Tourist Police sa Digos City Police Station, mga personahe sa Revitalized-Pulis Sa Barangay team Kapatagan kaabag ang mga sakop sa 1104th RMFB ug 39th IB PA ngadto sa Digos City Police Station aron nga e-endorso ang usa ka alyas “Junjun”, 20 anyos nga nagpa-ilang squad leader sa GF 51 ug residente sa Poblacion Loreto, Agusan del Sur kinsa boluntaryo nga mitahan sa otoridad.
Hinuon una na matud pa nga nagpadayag si alyas “jun-jun” ug intensiyon nga mobalik na sa sabakan sa kagamhanan pinaagi sa gipakatag nga Revitalized Pulis sa Barangay (RPSB) ug brgy Kapatagan sa nahisgutan nga siyudad.
Sumala sa nahisgutan nga kaniadtong milabay nga Setyembre 13, adunay nahitabo nga engkuwentro sa brgy Sibulan diin duha ang namatay sa NPA hinungdan nga nagkatag sumala pa ang mga nahisgutan.
Desidido na matud pa si alyas Jun-jun nga motahan sa otoridad human ang upat ka tuig sa kalihokan isip medic sa iyang team ilalom sa Guerilla Front 51.
Kalakip sa iyang gitahan ang usa ka unit sa Tongram Sub-machine Gun sa Cal 9MM nga adunay magazine; 11 ka rounds sa buhing bala sa cal 9mm;Forty (40) rounds sa mga bala sa caliber 5.56; nagkadaiyang medical equipment ug tambal; usa ka back pack; CTG Banner ug mga dokumento.
Gawas sa iyang pagka-squad leader, nagsilbi sab si alyas junjun isip medic diin aduna na kini kasayuran kung paunsa tambalan ang iyang mga kaubanan nga samdan sa combat operations.
Samtang gipasalig sa militar nga tabangan nila ang nahisgutan aron nga makabenepisyo sa Enhance Community Local Integration Program (ECLIP) sa gobyerno aron nga makasugod kini pagbalik sa iyang bag-ong kinabuhi.
