DAVAO CITY – Nakompleto na sa unang batch sa Public Utility Jeepney (PUJ) drivers ug operators nga mag benepisiyaryo sa sa modernization sa public transport project sa siyudad sa ilang duruha ka adlaw nga Basic Business Management training nga gipahigayon sa Department of Trade and Industry (DTI) karong semanaha.
Gipahigayon kini sa milabay nga Agosto 17 ug 18, 2020 isip kabahin sa Livelihood Restoration Program, usa sa mga social compensation packages nga gitanyag sa lokal nga kagamhanan sa mga PUJ drivers ug operators nga apektado sa pagpatuman sa High Priority Bus System (HPBS).
Sumala sa HPBS Social Compensation Committee in-charge Marlisa Gallo tumong sa maong training nga matabangan ang mga benepisiyaryo nga makasugod sa ilang kaugalingon nga negosyo pinaagi sa tabang sa ahensiya sa DTI.
Ang unang batch sa training mo-cater ug 37 ka mga partisipante nga susamang mga drivers ug operators samtang ang ilang mga benepisyaryo ang nagbiyahe-an sa Catalunan Grande, Toril, ug Calinan routes.
Ang nahisgutan nga mga rota ang giilang mga pilot areas sa first phase sa HPBS. Naglaom ang HPBS Social Compensation Committee ug kapin 1,300 jeepney drivers ug operators aron nga maka-avail sa DTI social package.
Manghatag sab ang DTI ug business start-up kits ngadto sa ilang mga benepisyaryo sa kantidad nga P10,000.
Ilalim sa HPBS Social Compensation Packages, ang driver/operator mamahimong makapili sa lima ka mga packages nga ginatanyag sama sa educational assistance, skills training, ug cash-for-work assistance programs gikan sa Department of Labor and Employment (DOLE), Department of Trade and Industry (DTI), Technical Education and Skills Development Authority (TESDA), Commission on Higher Education (CHED), ug Department of Health (DOH).
