DAVAO CITY – Doble amping na karon ang mga sakop sa Davao City Police Office (DCPO) kini aron masiguro nga dili na mataptan ang ilang mga personahe ug Covid-19.
Kahinumduman nga dili malikayan nga ma-expose sila sa virus gumikan sa ilang trabaho aron lamang masiguro ang seguridad sa palibot hinungdan nga si bisan kinsa na lamang ang ilang mga makahimamat.
Sumala pa kang Pol. Col Kirby John Kraft, director sa DCPO nga aduna na silay mga bag-ong ekipo aron masiguro nga ma-disinfect pag-ayo dili lamang ang ilang mga personahe nga mosulod sa ilang buhatan kung dili lakip na kadtong mga tawo nga adunay ipahigayon nga transaksiyon sulod sa DCPO.
Una na sab nga nasayran gikan sa opisyal nga mikabat sa siyam ka mga personahe nila ang nagpositibo sa covid-19 apan paspas sumala pa ang mga nahisgutan nga naka-recover.
