DAVAO CITY – Naangkon sumala pa sa dakbayan sa Davao ang 102% nga target o 186,864 ka mga bata nga mabakunahan ug oral polio vaccine dungan sa pagtapos sa ikalima nga round sa “Sabayang Patak Kontra Polio” program sa milabay nga adlaw.
Gikanayong nakatala ang City Health Office (CHO) ug total nga 191,575 ka mga bata nga nakadawat ug OPV vaccine.
Sumala pa kang Dr. Julinda Acosta, head sa technical division sa CHO, anaa sa 102.52 percent o 4,711 o mas labaw pa sa initial target sa 186,864 sa mga bata ang ilang nahatagan sa maong bakuna.
Mapasalamaton si Acosto sa gipakitang suporta ni Mayor Sara Duterte ug Vice Mayor Sebastian Duterte sa nahimong kalampusan sa anti-polio drive.
Ang duruha sumala pa ka mga opisyal ang nag-awhag sa mga healthcare workers ug barangay captains nga ipadayon ang kampanya luyo sa nasinatian nga pandemic.
Nagpasalamat sab ang CHO sa mga healthcare workers, volunteers, ug barangay officials sa ilang dedikasyon ingon man nahimong commitment.
