DAVAO CITY – Magdala na matud pa karon ang mga Police Officers ning dakbayan sa Davao ug one-meter stick aron sigurado nga mapatuman ang mandatory physical distancing sa public areas isip kabahin sa preventive measures batok sa coronavirus disease (Covid-19).
Tipik lamang kini human nga gitapos na ni Mayor Inday Sara Duterte Carpio ang pagpatuman sa food and medicine (FM) pass ug curfew apan kinahanglan nga mapabilin ang Social distancing.
Una na sab nga namatikdan ni Mayor Inday nga mayorya sa mga Dabawenyos ang wala nag-obserba ug mandatory two-meter physical distancing hinungdan nga nanawagan kini sa Davao City Police Office (DCPO) nga kinahanglan sukdon niini ang mga indibidwal nga wala mitamud sa physical distancing pinaagi sa pagdala ug one-meter stick ilabi na sa mga public areas o mga lugar nga sagad adtuan sa mga tawo.
Gipasabot ni Mayor Inday nga useless lamang ang facemask kung walay ipatuman nga physical distancing, ingon man pagdala ug alcohol ug paghugas sa kamot.
