-- ADVERTISEMENT --
DAVAO CITY – Gidakop sa kapulisan sa Digos City Police office ang usaka wanted nga lalaki nga nag-atubang ug 11 ka ihap sa kasong pagpanglugos.
Giila ang dinakpan nga si Leonielle Mangaron, 31 anyos, residente sa Barangay San Miguel, Digos City.
Subay sa report, gilusad sa Digos city Police station sa pagpanguna ni PLtCol Vici Anthony Tababa, acting chief of police ang manhunt operation alas 3 kagahapon sa hapon nga miresulta sa pagkasikop kang Mangaron.
Ang nahisgutang akusado ang gisikop subay sa gahom sa warrant of arrest alang sa mga kasong 11 counts of Rape by Sexual Assault, Statutory Rape ug Qualified Rape.
Walay girekomendang piyansa ang korte alang sa temporaryong kagawasan sa suspect.
-- ADVERTISEMENT --
