DAVAO CITY – Kanunay ang pahimangno karon sa lokal nga kagamhanan sa Digos sa publiko ilabi na kadtong nanimuyo sa mga lugar nga delikado karong panahon sa ting-ulan nga kanunay nga mag-igmat.
Kini adunay kalabutan sa ulahing insidente sa landslide nga nahitabo sa Sitio Baras Barangay Kapatagan Digos City.
Una ng gibutyag ni Barangay Kapitan Juanito Morales nga dili mamahimo nga maagi-an karon ang lugar kini tungod sa baga nga lapok hatud sa pagdahili sa yuta gawas pa sa mga kahoy nga natumba ug nakababag sa dalan.
Nasayran sab nga adunay tubig sa ibabaw sa bukid nga gikanayong natigom tungod sa sunod-sunod nga pag-ulan ug maoy hinungdan sa paghumok sa yuta.
Apektado sab sa landslide ug mudslide ang Sitio Tiril nga dili sab ma-agi-an ang dalan ug kutob lamang sa Barangay Binaton ang biyahe sa mga sakyanan ug motorsiklo.
Hinuon walay natalang casualty ang otoridad human ang panghitabo apan adunay sa usa ka sakyanan ug balay ang apektado sa mudslide.
Gikanayon ni Samuel Miralles, Local Disaster Risk Reduction and Management Office (LDRRMO) IV nga posibleng aduna nay mga heavy equipment karong adlaw aron nga magpahigayon ug clearing operation sa lugar nga nagpabilin pa gihapon nga unpassable.
