DAVAO CITY – Gibutyag ni City Transport and Traffic Management Office (CTTMO) head Dionesio Abude nga tungod sumala pa sa sagunson nga pag-ulan sa dakbayan, na-oktaba sab ang pagpahigayon nila ug pintura alang sa bike lanes sa siyudad.
Kahinumduman nga gisugyot ni Davao City Mayor Inday Sara Duterte-Carpio ngadto sa ahensiya nga momugna ug agi-anan sa bisekleta isip kabahin sa “New Normal” ilabi na nga daghanan na karon ang mas gipili nga mag-bike padulong sa ilang trabaho tungod na sab sa hugtanon nga pagpatuman sa Social distancing diin limitado na lamang sab ang tugtan nga makasakay sa mga pampasaherong sakyanan.
Gitataw ni Abude nga kung walay putol ang pagpintura sa mga kadalanan alang sa bike lanes, mahuman lamang kini sulod sa 15 ka adlaw apan tungod sa sunod-sunod nga mga pag-ulan, nalangan sab ang ilang trabaho.
Samtang gibutyag sab sa opisyal nga temporaryo una karon nga gisuspende ang pagbayad ug bike registration nga P150 gumikan kay aduna pay kinahanglan nga han-ayon.
Kahinumduman nga sa traffic code anaa sa P150 ang bike registration samtang P20 lamang ang sa bicycle ordinance sa dakbayan.
