DAVAO CITY – Sukwahi sa migula nga report, mihatag ug katin-awan ang otoridad nga ang lumad nga gikanayong namatay sa infectious disease ang wala sumala nagtinir sa United Church of Christ in the Philippines (UCCP) Haran.
Sumala pa kang Davao City Police Office (DCPO) Director Police Colonel Kirby John Kraft nga atol sa ilang gipahigayon nga imbestigasyon ang nahisgutan nga lumad naila nga si Arnel Labando, 19 anyos apan dili sumala pa kini kalakip sa mga nagtinir sulod sa Haran compound.
Gikanayong gisulod lamang sa body bag ang lawas ni Labando ug gilubong sa Wireless Cemetery nga walay igong permit.
Sumala sa amahan ni Arnel nga si Alex Labando, aduna sumala pay history sa tuberculosis ang pasyente ayha kini namatay sa balay tambalanan kaniadtong Hunyo 11 gumikan sa acute respiratory failure secondary to community-acquired pneumonia high risk.
Gumikan sa iyang health condition, gikonsidera ang nahisgutan nga coronavirus disease (Covid-19) suspect.
Nasayran nga usa ka Kaolo tribe si Labandon nga gikan sa Malita, Davao Occidental ug duruha ka tuig na dinhi sa dakbayan sa Davao kauban ang iyang mga igsuon ug nanarbaho isip car wash boys ug nagpuyo sa Yuraja Car and bike detailing sa Ecoland ning siyudad.
Gikanayong aduna pay bayrunon nga P25,000 sa balay tambalanan ang pasyente rason nga wala pa na-release ang death certificate niini.
Gitataw sab ni Kraft nga nakiglambigit ang kapulisan sa Regional Crime Laboratory Office (RCLO) Davao ingn man sa Davao City Health Office alang sa pagkubkob sa patay’ng lawas sa biktima apan wala kini nahinayon.
Wala sab sumala pa nagpagula ang chief environmental sanitation division ug exhumation permit sa kapulisan kini tungod sa balaud nga nagdili sa pagkubkob sa infectious cases hangtud nga dili molabay ang lima ka tuig.
