DAVAO CITY – Gipasalig sa lokal nga panggamhanan nga mapatuman ang istrikto nga protocols sa mga miabot nga pasahero partikular na ang mga Overseas Filipino Workers (OFWs) nga sakay sa duruha ka mercy flights gikan sa Manila.
Gikanayong ang duruha ka mga mercy flights ang gikatakdang moabot sa Francisco Bangoy International Airport karong adlawa, Mayo 12 ug sa Huwebes, Mayo 14, 2020 diin sakay ang dili matinong ihap sa mga OFWs gikan sa nagkadaiyang mga nasod sa tibuok kalibutan.
Ang nahisgutan nga flight gihatagan na ug pagtugot sa Department of Transportation (DOTr) Task Force sa Manila.
Sa higayon nga maabot na ang mga pasahero, hatagan gilayon kini ug screening cards ug ipailalom sa rapid testing kit (RDT). Obligado sab karon nga mopailalom ang mga nahisgutan sa istrikto nga self-quarantine ug monitoring.
Ang mga pasahero nga adunay masinatian nga sintomas kinahanglan nga mopailalom sa 14 day quarantine ug kinahanglan nga mopailalom sa symptom screening sa ika-pito nga adlaw ug ika-14th day gikan sa petsa sa iyang pag-abot.
Kahinumduman nga mas gipahugtan pa sa lokal nga kagamhanan ang mga sumbanan kini human nga usa sa mga pasahero sa sweeper flight ang nagpositibo sa covid-19.
