DAVAO CITY – Nakadawat na sa ilang tabang pinansiyal ang mga residente sa Barangay Ilang ning dakbayan sa Davao nga una ng nasunogan sa milabay nga semana.
Kahinumduman nga anaa sa 300 ngadto na 400 ka mga residente sa lugar ang apektado sa sunog human nga halos wala silay nasalbar nga mga gamit.
Anaa sa 165 ka mga House owners ang nakadawat ug tig-P20 ka libo matag usa; 79 ka mga renters ug sharers ang nakadawat ug P10 ka libo matag usa ug pito ka mga boarders ang nahatagan ug tig-lima ka libo matag usa.
Gawas sa office of the Presidente mihatag sab ug hinabang ang uban pang hingtungdan nga ahensiya sa kagamhanan.
Giplanohan na sab karon ang posibleng relokasyon sa mga residente apan gibutyag ni Ilang Barangay Capt. Amado Babao nga tugotan pa gihapon ang mga residente nga makatukod pagbalik sa ilang mga pinuy-anan.
Gikanayong lisud sumala pa ang sitwasyon karon sa mga biktima gumikan kay tent lamang ang ilang temporaryo nga gipuy-an.
