Lalaki gipaslak sa prisohan gumikan sa pagpamaligya og ilegal nga droga

DAVAO CITY – Dakpan sa gilusad nga drug buy bust operation  pasado alas siete kagabie ang usa ka lalaki human nga nalambigit kini sa pagpamaligya og ginadili nga druga. Ang suspek naila nga si Neil Salazar, residente sa Sasa ning dakbayan human nga mitunol kini ug ginadili nga druga sa nagpaka-aron ingnon nga buyer bugti sa P500.

Sumala pa kang Police Major Noel Villahermosa, duruha ka mga pakete ang nakuha gikan sa dinakpan atol sa operasyon.

Dugay na matud pa nga gipanid-an ang lihok sa dinakpan ayha gilusad ang pagsikop kaniya.

Kasamtangan karon nga gipaslak sa presohan ang suspek ug gi-andam na sab ang kasong kalapasan sa Republic Act 9165 kun Comprehensive Dangerous drugs act nga iduso batok kaniya.