DAVAO CITY – Nagpabilin karon sa kustodiya sa otoridad ang person under monitoring (PUM) nga una ng nasikop sa otoridad human kini nakalapas sa quarantine protocols sa Barangay San Luis, Caraga, Davao Oriental.
Una ng gibutyag ni Maj. Eudisan Gultiano, tigpamaba sa Police Regional Office XI, tataw nga nakalapas sa Article 151 (Resistance and Disobedience), R.A 9271Quarantine Law of 2004, ug R.A 11332 Section 9, Republic Act 11332 o ang ‘’Mandatory reporting of Notifiable Diseases and Health events of Public Health concerns act’’ ang residente nga si alyas Ronel, 32 anyos, finance officer ug residente sa Baganga, Davao Oriental.
Miabot sumala pa kini sa Davao kaniadtong Abril 2 ug paingon unta sa Barangay San Luis.
Gi-ubanan kini sa mga personahe sa COVID-19 Task Force Banganga ug anaa karon sa kustodiya sa otoridad.
