DAVAO CITY – Gikanayon ni Davao City Mayor Inday Sara Duterte-Carpio nga gi-andam sumala pa karon sa lokal nga panggamhanan ang gibana-banaang 300 beds nga maka-cater og patients under investigation (PUIs) sa ilang PUI centers.
Sa kasamtangan, aduna sumala pa’y upat ka mga PUI centers sa nagkadaiyang bahin sa dakbayan kalakip na ang Malagos Rehabilitation Center, ug Alternative Learning (ALS) Building dinhi sa downtown area.
Ang uban nga mga private lodges sama sa La Vida Inn ug Queensland Hotel gi-andam na sab isip alternative PUI centers sa higayon nga ang mga initial centers mapuno ug pasyente.
Una nang gibutyag sa opisyal nga padayon ang pakiglambigit sa kagamhanan sa uban pang lodging establishments aron nga himuon nga makeshift PUI center.
Tumong sumala pa niini nga ma-decongest ang Southern Philippines Medical Center (SPMC) nga maoy bugtong hospital nga nagadawat ug Covid-19 patients.
Nasayran nga ang SPMC adunay kinatibuk-ang 160 beds apan dili sumala pa tanan ang maakomodar ilabi na karon nga padayon ang pagsaka sa kaso sa Covid-19 dinhi sa siyudad.
Una na sab nga gihangyo ni Mayor Sara ang mga private hospitals nga dawaton ang mga kabus nga pasyente aron nga ma-decongest ang SPMC.
