DAVAO CITY – Isip kabahin pa gihapon sa pagpaningkamut sa dakbayan sa Davao aron masiguro nga dili makalusot ang Corona Virus Disease (covid-19) ug dili mabalda ang trabaho sa mga hingtungdan nga ahensiya sa kagamhanan, pahugtan na sugod karong semanaha sa Davao City Council ang pagpasulod sa mga kawani ug manan-away atol sa ipahigayon nga session sa 19th City Council.
Tipik lamang kini human sa gipagulang Davao City Government guideline No. 7 alang sa coronavirus disease (COVID-19) sa tanang mga buhatan sa dakbayan sa Davao nga nagpugong sa pagdawat sa tanang mga bisita aron nga mapugngan ang pagkuyanap sa virus.
Sa gipagula nga anunsyo, magpatuman matud pa ang City Council og “no ID, no entry” policy ngadto sa publiko.
Sumala sa anunsyo nga bugtong mga empleyado lamang nga adunay ID ang tugutang makasulod sa second floor sa gambalay, kung diin nahimutang ang mga buhatan sa Vice Mayor, mga konsehal ug ang session hall.
Sa ipahigayong session karong umaabot nga adlaw’ng Martes, Marso 18, bugtong mga konsehal lamang ang tugutang makasulod usab atol sa regular session.
Ang konsehal usab mamahimong magpasulod og usa ka personahe aron nga muhatod og importante nga mga dokumento alang sa konsehal atol sa session.
Gidili usab ang mga media coverage.
Samtang, gikansela usab sa City Council ang tanang mga schedule sa tanang mga committee hearings sulod sa usa bulan.
Bag-ohay pa lamang, mipagula si Davao City Vice Mayor Sebastian Duterte ug usa ka sumbanan nga nag-mandu sa tanang mga maintenance personnel sa Konseho nga i-disinfect ang Session Hall ug ang uban pang mga conference rooms ayha paman kini gamiton ug pagkahuman sa pag-gamit niini.
