DAVAO CITY – Gitino ni Dr. Josephine Villafuerte, head sa City Health Office (CHO) nga luwas sa mga tawo ang gigamit nga chemical sa “misting” o pag-disinfect sa pipila ka mga lugar sa dakbayan nga dagsaon sa mga tawo isip lakang batok sa pagkuyanap sa Corona virus (Covid-19).
Kahinumduman nga nanguna kagahapon si Villafuerte sa gipahigayon nga disinfection sa Davao City Overland Transport Terminal (DCOTT) ilabi na nga kini ang usa sa mga lugar nga pinaka-okupado ug daghan ang mga pasahero.
Hinuon gitino sa opisyal nga kinahanglan dili direkta nga i-spray ang chemical sa mga tawo inay sa mga butang lamang nga sagad gunitan ug pundohan sa mga yata.
Kahinumduman nga una na sab nga gipahigayon ang misting sa City hall, Sangguniang Panlungsod ingon man sa mga parke ning siyudad.
Hinuon sumala pa ang disinfection kausa sa usa ka semana aron masiguro nga walay virus nga hatud sa Covid-19 ang palibot.
