DAVAO CITY – Daw Fiesta ang nahitabo kagahapong adlawa sulod sa Bankerohan Public Market – Meat section human libre nga nagpa-kaon ug nagkadaiyang mga putahe sa sud-an sa karneng baboy ang mga meat vendors sa syudad.
Ang nahisgutang kalihukan gipahigayon sa mga negosyanti ug baboy ug sa mga nag-buhi ug babiy sa syudad nga nagpabiling luwas nga kan-aon ug walay sakit ang mga karneng baboy sa dakbayan sa Dabaw bisan pa man ug nag-positibo sa Africam swine fever ang pipila ka mga barangay sa syudad.
Gisaluhan sa mga meat vendors, mga opisyal sa barangay 5-A Bankerohan ning syudad, ug mga personahe gikan sa nagkadaiyang ahensiya sa kagamhanan ang nagkalain-laing mga putahe sa sud-an sa karneng baboy ilabi na ang mga nag-laray nmga lechong baboy.
