DAVAO CITY – Nahutdan na matud pa karon ang mga drug stores sa siyudad og disposable face masks samtang ang local pharmacy ang una nang nagpatuman og sale niini human nga misaka ang demand sa disposable face masks gumikan sa bag-ohay nga insidente sa pagbusikad sa bulkang Taal ingon man ang insidente sa 2019 Novel Coronavirus (2019-nCoV) scare.
Sumala sa mga local drugstores, limitado na lamang ang ilang baligya nga disposable face mask ngadto sa usa ka box matag customer diin ang matag karton niini adunay 50 ka face masks.
Mas hatagan sumala pa nila og prayoridad ang mga walk-in customers.
Nagsugod sumala pa ang demand niini atol sa pagbusikad sa Taal Volcano sa Batangas kaniadtong Enero 12, 2020 ug pagsugod sa outbreak sa 2019-nCoV sa Wuhan, China.
Sagad sumala pa sa girekomenda karon sa Department of Health (DOH) mao ang pagsul-ob og N95 nga face masks.
