Mga bakwit nga lumad, angayang hatagan na og aksiyon sa kongreso

DAVAO CITY – Gibutyag ni Congressman Pantaleon “Bebot” Alvarez nga kinahanglan hatagan na og pagtagad sa kongreso ang suliran sa mga lumad nga nagpabilin karon sa UCCP-Haran sa Fr. Selga St. ning siyudad.

Gitataw sa opisyal nga dugay na matud pa ang isyu sa mga lumad nga gikanayong namakwit gumikan sa kagubot sa ilang lugar bisan nga walay kamatuoran sa maong pasangil.

Dako ang pagtuo ni Alvarez nga posibleng gigamit lamang ang mga nahisgutan aron nga makapangayo og pondo ang mga mipaluyo niini ngadto sa mga grupo nga anaa sa langyaw’ng dapit.

Angayan sumala pa nga mopapauli na ang mga nahisgutan gumikan kay andam kanunay ang gobyerno nga ihatag ang ilang mga panginahanglan.

Pahayag ni Congressman Pantaleon “Bebot” Alvarez.