DAVAO CITY – Dakpan ang Lima ka mga tawo, diin usa niini babaye ug upat ka mga lalaki gumikan sa kalambigitan sa pagpayuhot ug ginadiling druga ug gun running.
Giila ang mga suspect nga sila Mariton Baluyot Sanchez, Harris Ocon Bendula, Jauvany Torres Agravante ug Paul John Tenio Nuez, kinsa nangadakpan atol sa giolusad nga Oplan Paglalansang Omega, Oplan Big Bertha ug Oplan Salikop alas 5:40 kaganinang buntag sa North San Juan, Brgy Centro, Agdao, ning dakabayn sa Dabaw.
Subay sa impormasyon hiniusang gilusad sa CIDG RFU11 DCFU uban sa Sasa Police Statioon ug PDEA Davao City ang buybust operation nga miresulta sa pagkasikop sa nahisgutang mga suspect.
Nakompiska gikan sa posisyon sa mga dinakpan ang usaka .45 caliber pistol, usaka magazine sa cal .45 pistol nga adunay tulo ka mga bala, usaka sachet sa gikatahapang shabu ug Bodle money nga usaka libo ka pesos.
Giila usab ang mga dinakpan nga mga sakop sa Sabani Criminal Group nga nalambigit sa gun running, pagpayuhot ug ginadiling druga sa dakbayan sa dabaw ug kasikbit nga mga probensiya sa davao region.
Kahinumduman nga napatay sa kapulisan niadtong milabay nga adlaw ang kaubanan usab sa mga dinakpan nga si Alkhalid Jamdani, residente sa Purok 2, Km 11, Muslim Village, dakbayan sa Dabaw, nga adunay Warrant of Arrest sa kasong Murder, human misukol sa kapulisan.
