DAVAO CITY – Gikalipay pag-ayo sa ahensiya sa City Health Office (CHO) ang nahimong tubag sa mga ginikanan sa nagpadayon karon nga ikatulong hugna sa Sabayang Patak Kontra Polio diin ubay-ubay sumala pa nga mga bata ang ilang nabakunahan atol sa unang adlaw niining milabay nga adlaw.
Sumala pa kang Dr. Josephine Villafuerte, head sa CHO, nga mikabat sa 32.93 percent o anaa sa 61,525 ka mga bata nga edad 5 anyos paubos ang ilang nabakunahan niining milabay nga adlaw.
Nakatabang sumala pa og dako ang dugang kaalam sa mga ginikanan kalabot sa kamahinungdanon sa pagpailalom sa nahisgutan nga bakuna.
Nasayran sab sa datus gikan sa CHO nga atol sa unang hugna sa Sabayang Patak sa milabay nga tuig, natala nila ang 24.94 percent nga immunization coverage atol sa unang adlaw; 30.99 percent sa sa ikaduha samtang 32.93 percent sa ikatulong adlaw.
