DAVAO CITY – Miubos sumala pa ang congestion rate sa mga presohan nga ilalom sa Bureau of Jail Management and Penology sa Davao Region (BJMP-Davao) ngadto sa 275 percent o adunay kinatibuk-ang 4,463 inmates sulod lamang sa December 31, 2019 batok sa total capacity nga 1,191.
Sumala pa kang BJMP Davao spokesperson Jail Inspector Edo Lobenia, bisan tuod nga adunay pag-ubos sa congestion rate, apan nagpabilin pa gihapon nga sobra ang kapasidad sa mga presohan.
Tungod niini, nagpabilin sumala pa nga hagit kanila ang pag-operate sa 12 ka mga jail facilities sa rehiyon bisan nga hinay-hinay na ang pag-ubos niini.
Subay sa record gikan BJMP Davao, anaa sa 358 % congestion rate sa jail facilities kaniadtong Agosto sa milabay nga tuig.
Lauman sumala pa nga moubos pa ang congestion rate sa higayon nga matapos na ang tanan nga mga bag-ong pasilidad sa tibuok rehiyon.
