DAVAO CITY – Nagpagula og pahayag ang Securities and Exchange Commission (SEC) nga gawas kang Kapa-Community Ministry International Inc. (KAPA) founder Joel Apolinario, kalakip na sab karon sa gipasakahan og reklamo sa Department of Justice (DOJ) ang mga promoter ug endorser sa maong grupo.
Kahinumduman nga sukad nga gipasirado ang operasyon sa KAPA, padayon pa gihapon nga nagtago-tago si Apolinario ug asawa niini.
Kalakip na sab sumala pa karon sa mga gipasakahan og kaso ang mga opisyales sa investment scam og kalapasan sa Section 26.1 “ advertising the investment “scam” ingon man kalapasan sa Republic Act No. 8799 o ang Securities Regulation Code.
Una na sab nga gipasakahan ang mga nahisgutan og syndicated estafa sa NBI gumikan sa pagpangilad nga ilang gihimo.
Una ng nanggawas ang impormasyon nga nagpadayon ang operasyon sa KAPA human nga gihatagan na sumala pa kini og permit apan hugtanon nga gipanghimakak sa SEC nga wala kini kamatuoran.
