DAVAO CITY – Kapin sa 300 ka mga residente sa Barangay Malasila, Makilala, North Cotabato ang nakabenepisyo sa gipahigayon nga medical ug dental mission nga gitawag ug “Pamaskong Handog” nga gipaluyohan sa 1003rd Infantry Brigade alang sa mga biktima sa linog.
Sumala pa kang Col. Nolasco Mempin, 1003rd Infantry Brigade commander, nga pinaagi sa maong aktibidad anaa sa 194 ka mga pasyente ang nakadawat ug libre nga medical consultation ug treatment; 104 pasyente ang nakapailalom sa dental mission.
Isip pahalipay, kapin 100 ka mga bata ang gihatagan og libre nga pagkaon.
Nagpadayag sab og pagpasalamat si Melvin Fortajada, chairman sa nahisgutan nga Barangay ngadto sa mga sundalo, mga ahensiya sa kagamhanan ingon man pribadong sektor alang sa nahisgutang outreach mission.
