DAVAO CITY – Gipasalig sa lokal nga panggamhanan nga dili una nila ipatuman ang mga balaod batok sa mga ambulant vendors kini aron nga adunay kita ang mga nahisgutan karong holiday season.
Una ng gibutyag ni Paul Bermejo, hepe sa Ancillary Service Unit, aduna sumala pay oras alang sa double side vendors sugod Disyembre 1 hangtud 30.
Pipila sa mga areas nga gitugot sa mga vendors ang gilangkuban sa pipila ka areas sa San Pedro ug Ramon Magsaysay streets ingon man sa mga public markets.
Apan adunay mga lugar nga gidili sa mga vendors sama na lamang sa mga lugar sa Gaisano Mall sa J.P. Laurel Street ug GS Gaisano sa Ilustre.
Gitino sab ni Bermejo nga ayha magtukod og mga stalls ang mga vendors, kinahanglan nga mo-comply ang mga nahisgutan sa one-third, two-thirds rule, diin nagpasabot kini nga mamahimo lamang nila nga okupahon ang “third” sa sidewalk aron nga maka-agi pa ang mga tawo.
Angayan sab sumala pa nga ang mga stalls dili ipahimutang sa dalan nga mamahimong makadisturbo sa mga motorista.
Samtang kadtong mga manindahay nga buot magpahimutang sa ilang stalls sa market kinahanglan nga morespeto sa mga lihitimo nga mga business owners.
Gipasalig sab ni Bermejo nga kanunay nila nga imonitor ang mga vendors aron masiguro nga ma-comply ang tanan nga mga regulasyon.
