DAVAO CITY – Gikanayong ang sunod-sunod nga linog nga miigo sa pipila ka mga lugar sa Mindanao ang hinungdan nga miubos ang ihap sa mga turista nga mobisita dinhi sa siyudad.
Gani pipila sumala pa sa mga organizers ang nagkansela sa ilang events dinhi sa dakbayan.
Sumala pa kang Davao City Tourism Operations Office chief Generose Tecson, nga aduna untay ipahigayon nga Vice Mayors’ League sa siyudad niining milabay nga adlaw apan gikansela kini.
Samtang gikansela sab sa organizers sa PBA Legends: Return of the Rivals ang dula gumikan pa gihapon sa sunod-sunod nga linog.
Gumikan kay malisdan ang siyudad mga mabawi ang kalugi, nakatutok na lamang karon ang ahensiya sa pagpatuman ug daghanang aktibidad nga mu-awhag sa mga turista nga mobisita sa siyudad gawas sa pagpangandam sa ipahigayon nga Meetings, Incentives, Conventions, Exhibits Conference 2020.
