DAVAO CITY – Bisan nga tapuson na ang pagpatuman sa Martial law sa Mindanao wala sumala pay bag-ohon ang Davao City Police Office (DCPO) sa ilang gipatuman nga hugtanon seguridad dinhi sa dakbayan.
Sumala pa kang Police Capt. Rose Aguilar, tigpamaba sa DCPO, nga kung unsa man ang mamahimong desisyon gikan sa ilang headquarters sa kaulohan kalabot sa martial law, andam sumala pa sila nga motamud niini ug walay magbag-o sa ilang mga ginapatuman nga seguridad ilabi na dinhi sa dakbayan.
Gikanayon sab ni Police Major Jason Baria, tigpamaba sa Police Regional Office (PRO) 11, magpadayon sumala pa ang ginapahigayon nga simulation exercises sa mga sakop sa kapulisan dinhi sa rehiyon aron nga kanunay sila nga andam panahon nga adunay maglusad ug kagubot.
Andam sab sumala pa ang kapulisan sa pagpatuman ug seguridad sa tibuok Davao region.
