DAVAO CITY – Gipahibalo sa ahensiya sa Philippine Institute of Volcanology and Seismology (PHIVOLCS) nga padayon pa gihapon ang masinatian nga mga aftershocks human ang kusog nga Magnitude 6.3 nga linog nga nasinatian sa pipila ka bahin sa Mindanao sa milabay nga semana nga nakadaut sa daghanan propedad ilabi na sa area sa Magsaysay Davao del Sur.
Sumala pa kang Kristofferson Vidad, Science researcher assistance PHIVOLCS Davao nga normal lamang nga masinatian ang mga aftershocks hinungdan nga nagpahimangno kini sa katawhan nga kanunay nga alerto ug magbinantayon.
Sa kasamtangan, nagpahigayon na sila ug assessment ilabi na sa mga lugar nga grabeng naapektohan sa pagtay-og ilabi na sa lugar sa Magsaysay Davao del Sur nga nangliki ang mga yuta kini aron ilang masubay kung aduna pa silay wala nadiskobrehan nga mga fault line sa nahisgutan nga lalawigan.
Kahinumduman nga gabii, subli na sab nga nasinatian ang sunod-sunod nga mga pagtay-og sa pipila ka parte sa Mindanao.
