Gi-presenta sa Police Regional Office 11 ang Forty Eight squads (48) nga gilangkuban sa tanan nga mga Regional Headquarters Personnel ilalom sa “Squad Concept” sa PNP nga gitawag ug “Brother’s Keepers” ilabi na nga gipatuman kini karon sa rehiyon.
Ang nahisgutan nga programa nga ilalom sa Revitalized Internal Cleansing Program nagtumong nga masolusyonan ang masinatian sa mga personahe ilabi na kung hisgutan ang ilang moral ug spiritual recovery.
Gitambagan sab ang tanan nga mga lower units nga momugna ug kaugalingon nga squadding concept.
Ilalom sa squadding concept, ang grupo nga adunay 10 ka mga miyembro ang pangunahan sa Squad Supervisor (Unit Chief) ug ang ilang squad leader kinahanglan adunay Chief Clerks sa matag buhatan diin tahasan ang mga nahisgutan nga modumala sa mga aktibidad sa iyang mga sakop.
Sa nahimong pahayag ni Regional Director, PBGen Marcelo C Morales, gikanayon niini nga solusyonan nila ang maong isyu ug concern nga nakaapekto sa command ug sa ilang mga personahe ingon man nagkadaiyang problema sa ilang mga sakop.
Gikanayong sa matag squad, adunay ipahimutang nga Life Coach (Pastor) nga manguna sa spiritual aspect ingon man values formation ug hisgutanan kalabot sa pamilya.
Gikanayong pinaagi sa maong lakang, mapugngan na sab ang mga scalawags ug badlungon nga mga pulis nga anaa sa organisasyon.
