DAVAO CITY – Mikabat sa 16 ang ihap sa mga peneriso sa Police Regional Office (PRO) 11 nga nag-atubang ug bug-at nga kaso apan nakagawas tungod sa Good Conduct Time Allowance (GCTA) law ang mitahan sa kapulisan dungan sa pagtapos sa deadline ni Pangulong Rodrigo Duterte batok sa mga nahisgutan aron nga mobalik sa otoridad.
Sa nahisgutan nga ihap, 5 niini ang sa DCPO, 4 – Davao del Norte, 3 – Comval, 2 – Davao del Sur, 1- Davao Oriental ug 1 – Occidental.
Hinuon gibutyag ni Police Major Jason Baria, tigpamaba sa Police Regional Office (PRO)-11 nga kinahanglan pa nila nga subayon kung tanan sa mga mitahan ang susama nga taga Davao region.
Gikanayong nakatabang sumala pa ug dako ang naunang pahayag ni Pangulong Duterte nga andam siya nga mohatag ug 1 ka milyon ka pesos nga reward sa matag peneriso ug ikonsidera na nga mga pugante ang mga nahisgutan sa higayon nga dili mobalik sa gitakda nga adlaw.
Una na sab nga nangandam ang kapulisan sa rehiyon sa pagpatuman sa massive man hunt operation batok sa mga nakagawas nga peneriso sa higayon nga dili kini mosurender sa otoridad.
