DAVAO CITY – Aron nga mapadali ang pagpangita sa mga peneriso nga nakagawas tungod sa Good Conduct Time Allowance (GCTA), magmugna ang Police Regional Office (PRO) 11 ug tracker team ilabi na nga hangtud ugma na lamang ang gihatag nga 15 adlaw ni Pangulong Rodrigo Duterte aron motahan ang mga nahisgutan.
Kahinumduman nga una ng gibutyag sa Pangulo nga kung dili pa motahan ang mga nahisgutan sa nahisgutan nga adlaw, ikonsidera na ang mga nakagawas nga peneriso isip mga pugante.
Sa higayon nga dili motahan ang mga peneriso hangtud ugmang adlawa, sugdan gilayon sa kapulisan ang ilang man hunt operation batok sa mga nahisgutan.
Una ng nasayran gikan kang Police Brig. Gen. Marcelo Morales, PRO-11 regional director nga anaa pa lamang sa pito gikan sa 76 ka mga peneriso nga nakagawas tungod sa GCTA ang mitahan sa kapulisan.
Sa nahisgutan nga ihap, lima niini ang mitahan sa Davao City Police Office (DCPO); 1 sa Davao del Sur ug usa sa Davao Occidental.
