DAVAO CITY – Mokapin sa tres mil ka sako sa mga basura ang nahipus gikan sa mga kabaybayonan sa dakbayan sa dabaw sa nakalabay nga bulan sa Agusto.
Gikanayon ni Ancillary Services Unit (ASU) chief Paul Bermejo atol sa gipahigayon nga regular coastal clean up drive sa dakbayan nga gi-organisa sa usaka grupo sa mga volunteers nga sakop sa Bantay Dagat team nga moabot sa 3,147 ka mga sako sa basura ang ilang mga nakuha.
Kini sumala pa ang pinaka-daghang mga basura nga nahipos, mas daghan kini kung itandi sa 2,066 ka mga sako sa nahipos nga basura niadtong bulan sa Hulyo.
Tungod niini, nanawagan si Bermejo sa mga residente sa coastal area nga aktibo nga mo-salmot sa clean up drive nga regular nang ginahimo sa syudad sa matag adlaw nga sabado.
