DAVAO CITY – Subling gibalik sa lokal nga panggamhanan ang komposisyon sa Local Health Board (LHB).
Kahinumduman nga gilagdaan ni Mayor Sara Duterte ang Executive Order (EO) No. 27, series of 2019 nga nagbalik sa membership sa Local Health Board aron maoy manguna sa paghatud ug mga nag-unang health services sa katawhan aron nga mapalambo ang kalidad sa kinabuhi dinhi sa dakbayan.
Subay sa kamandoan, ang City Mayor magsilbi isip Chair samtang ang City Health Officer magsilbi nga vice chair.
Kalakip sa miyembro ang Chair sa City Council Committee on Health, director sa Department of Health Region XI, ug representante gikan sa pribadong sektor o non-governmental organization nga nalambigit sa health services sa siyudad.
Kalakip sab sa kamandoan nga kung absent ang Chair, ang City Administrator maoy temporaryo nga modumala sa responsabilidad ug function niini sa LHB.
