DAVAO CITY – Gumikan sa nagkataas nga kaso sa mga tawo nga nagbalatian ug nanginahanglan ug organ donation, giduso karon sa konseho ning siyudad ang Brain dead organ donation ordinance.
Una ng gibutyag ni Dr. Maria Theresita Bad-ang, Neprologist sa Southern Philippines Medical Center (SPMC), nga nagkataas karon ang ihap sa mga tawo nga nanginahanglan ug organ donation ilabi na kadtong mipailalom sa dialysis aron nga malugwayan pa ang ilang kinabuhi ug usa sumala pa mga pamaagi niini mao ang organ donation.
Nasayran sab sa nahisgutan nga adunay 3,000 ka mga dialysis patient ang natala sa SPMC.
Suportado ni Konsehal Pilar Braga ang maong sugyot kini aron mosaka ang survival rate sa nga nakaangkon ug mga balatian nga nanginahanglan ug organ donar.
Sa higayon nga mapalabang ang maong balaudnon, ilakip sumala pa niini ang monetary assistance ingon man recognition sa pamilya ug sa mismong donor.
