DAVAO CITY – Gikumpirma sa Bureau of Fire Protection (BFP)-Davao nga adunay duruha ka mga indibidwal ang napasakahan ug kaso human nga nalambigit sa illegal nga pag-refill sa butane canisters ug liquefied petroleum gas (LPG) dinhi sa siyudad.
Sumala pa kang Senior Fire Officer 2 Ramil Gillado, Investigation Section chief sa BFP-Davao, nasikop sumala pa sa otoridad ang mga violators gumikan sa ilang illegal nga negosyo.
Gibutyag ni Gillado nga ang Bunawan ug Sta. Ana PNP ang nanguna sa pagduso ug kaso batok sa mga suspetsado.
Tin-aw sumala pa nga nakalapas ang mga dinakpan sa Presidential Decree (PD) 1865 o Illegal Trading of Petroleum Products.
Gikanayong ang makalapas sa maong balaod pasakahan ug kasong kriminal ug pamultahon sa kantidad nga P20,000 ngadto na P50,000, o pagkabilanggo ug at least duruha ngadto na sa lima ka tuig.
Gipangunahan sumala pa ang task force sa Business Bureau, diin gukdon kadtong mga namaligya ug nag-refill sa butane samtang ang ahensiya BFP ang magsilbing miyembro niini.
Una na sba nga gibutyag ni Gillado nga aduna sumala pay mga insidente nga ang paggamit ug butane nga adunay refill nga LPG maoy hinungdan sa sunog. Angayan sumala pa likayan ang pagpalit ug mga refill nga butane aron nga dili mabutang sa risgo ang kinabuhi ug walay propedad nga madaut.
