DAVAO CITY – Mipabati sa ilang barugnan ang pipila ka mga taga-Davao kalabot sa sugyot nga pagtukod ug Comfort Room (CR) nga alang sa LGBTQ Community.
Si Ivy Rose Sebuco, flower stall owner sa Bankerohan ning dakbyan sa Davao mipadayag nga daku siyang uyon sa maong tumong, apan kung mga bayot ug tomboy ang hisgotan mamahimo pa man nga mosulod sa CR nga pangbabaye ang mga tomboy, samtang CR nga panglalaki ang mga bakla o mga bayot.
Kini gumikan kay ang tomboy maglingkod man gayud nga mangihi, samtang ang mga bayot magtindog man sab kung mangihi.
Maisip nga lahi lamang ang sitwasyon kung transgender na ang pagahisgotan, kini gumikan kay ang bakla o bayot nga nagpa-ilis na sa iyang kinatawo dili na sab mahimo nga mangihi nga magtindog, samtang ang tomboy nga nagpakambyo sa iyang kinatawo ngadto sa pagkalalaki posibli nga magtindog na sab nga mangihi.
Privacy sumala pa ang nag-unang hinongdan ngano nga ang LGBTQ Community dunay kaugalingon nga CR nga alang lamang kanila.
Kini ang nahimong panlantaw ni Crispin Penafiel, kinsa namahayag nga ang mga tomboy, bisan kung bagsik pa kay sa tinuod nga mga lalaki, dili gyud bisan kanus-a mogamit sa CR nga panglalaki, samtang ang mga bayot nga mas gwapa pa kaysa tinuod nga babaye dili sab haum nga mosulod sa CR nga pangbabaye ug magtindog nga mangihi uban sa mga babaye nga migamit sa maong CR.
Mahinongdanon gayue nga duny kaugalingon nga CR ang LGBTQ Community aron nga kalikayan ang bisan unsa nga panagbangi.
Kini labi na nga karon giila na ang LGBTQ community sa katilingbang pilipinhon.
